Back Noordwestelike gebiede Afrikaans ስሜን-ምዕራብ ግዛቶች Amharic Norþwest Landscipas ANG الأقاليم الشمالية الغربية Arabic ܐܘܚܕܢܐ ܓܪܒܝܝܐ-ܡܥܪܒܝܐ ARC Şimal-Qərb əraziləri Azerbaijani شمالیغرب اراضیلاری AZB Wawengkon Kalér Kauh BAN Šiaurės vakarū terituorėjė BAT-SMG Паўночна-Заходнія тэрыторыі Byelorussian
Territorios del Noroeste (en francés: Les Territoires du Nord-Ouest; n'inglés: Northwest Territories) ye unu de los trés territorios que, xunto colos diez provincies, conformen los trelce entidaes federales de Canadá. La so capital y ciudá más poblada ye Yellowknife. Ta allugáu, como'l so nome indica, al noroeste del pais, llindando al norte col Océanu Árticu, al este con Nunavut, al sureste con Manitoba, al sur con Saskatchewan, Alberta y Columbia Británica, y al oeste con Yukón. Con 42 514 habs. en 2008 ye la tercer entidá menos poblada —per delantre de Yukón y Nunavut, la menos poblada—, con 1 346 106 km², la tercera más estensa —por detrás de Nunavut y Quebec— y con 0,03 hab/km², la segunda menos densamente poblada, por detrás de Nunavut.
Dalgunos de les sos traces xeográfiques inclúin el vastu Gran Llagu del Osu y el Gran Llagu del Esclavu, según l'inmensu ríu Mackenzie y los cañones del Parque Nacional Nahanni, un parque calificáu como Área Natural Protexida de Canadá y declaráu Patrimoniu de la Humanidá pola Unesco. Les islles del territoriu nel archipiélagu árticu canadiense inclúin: islla de Banks, islla Borden, islla Prince Patrick, y partes d'islla Victoria y islla Melville. El puntu más altu ye'l monte Nirvana, cerca de la frontera con Yukón, con una elevación de 2773 m.